Kalimtarët që ndodheshin në një park të Kalifornisë së Shteteve të Bashkuara, panë gjatë orëve të mëngjesit një skenë të pazakontë.
Dhjetëra shpezë, kryesisht rosa dhe pulëbardha ecnin si të trullosura, ndërsa disa prej tyre ishin shtrirë në shpinë me këmbët përjetë, transmeton Telegrafi.
Të shqetësuar me ngjarjen, ata njoftuan organizatën që merret me çështjen e ambientit, të cilët e nisën njësitin përkatës për mbrojtjen e gjallesave.
Raportohet se gjendja e tyre ka ardhur si pasojë e tabletave qetësuese, që janë hedhur nga persona të papërgjegjshëm.
Hetimet kanë filluar, për të gjetur se kush i zbrazi tabletat që janë për zemër, kundër ankthit dhe depresionit, si dhe tableta për gjumë.
Pas trajtimit prej veterinerëve, të gjitha shpezët janë pastruar dhe gjendja e tyre i është kthyer normalitetit. /Telegrafi/
