Në Newcastle të Anglisë, është shënuar një gjest i vërtetë shoqëror. Lewis Linton e ka marrë dhuratën më të çmuar ndonjëherë, që i ka shpëtuar jetën.
Ai kishte fituar meningjitin në moshën dyvjeçare, kur ka mbushur tetë vjet ka pasur çrregullime në zemër, që për pasojë është dashur t’i nënshtrohet dy operimeve, ndërsa me kalimin e kohës, i ka dështuar edhe veshka.
Pas një kohe në dializë, mjekët i kanë thënë, se vetëm transplantimi i shpejtë do ta shpëtonte nga vdekja e menjëhershme, shkaku i gjendjes së rënduar.
Në atë moment, Adam Brook e ka ofruar veshkën e tij, për të ja shpëtuar jetën shokut tij të ngushtë.
Për fat të mirë, organizmi tij e ka pranuar siç duhet, dhe pas transplantimit, Linton po e merr vetën me shumë sukses.
“Nuk janë shokë ata që të paguajnë kafen, apo të thërrasin për të pirë një birrë. Shokët e vërtetë ta japin veshkën nëse ke nevojë” është një koment, lidhur me rastin shumë të përfolur në Britani të Madhe. /Telegrafi/
