Trepça ’89 ka marrë një fitore të madhe 2-1 në udhëtim te Drita në kuadër të Superligës së Kosovës.
Mitrovicasti që të dyja golat i shënuan në pjesën e parë, e që doli të jetë e mjaftueshme për t’i rrëmbyer tri pikë.
Trajneri Shpëtim Idrizi ka thënë pas takimit se skuadra e tij ka shfaqur futbollin më të mirë deri më tani në këtë edicion, duke fituar kështu ndaj kampionit në fuqi.
“Kjo fitore vjen falë nivelit të lartë që treguan futbollistët, por gjithashtu duhet përgëzuar edhe gjyqtarët për mënyrën e ndarjes së drejtësisë”, ka thënë ai në një intervistë për Art Sport.
“Kemi analizuar mirë Dritën gjatë javës dhe kemi bllokuar hapësirat që i krijon me Fazliun dhe disa futbollistë të tjerë”.
“Morëm me meritë një fitore e cila është shumë e vlefshme për vazhdimin e kampionatit”, deklaroi Idriz.
Me këtë fitore ‘minatorët’ gjenden në mesin e tabelës, pasi që tashmë kanë të grumbulluara 25 pikë. /Telegrafi/