Nëse dikujt ia diktoni e-mail adresën tuaj, gjasat janë të mëdha që ta shkruajë gabimisht.
Për këtë arsye, Google ka menduar një truk që është pak i njohur, por shumë i dobishëm. Në rast se adresa juaj është emri.mbiemri@gmail.com, mesazhet do t’ju vijnë edhe nëse dërguesi nuk vë pikë prapa emrit apo edhe nëse vë pikë pas secilës shkronjë.
Mesazhi do t’i arrijë personit të njëjtë edhe nëse e dërgoni në emri.mbiemri@gmail.com, emrimbiemri@gmail.com, e.m.r.i.m.b.i.e.m.r.i@gmail.com – këtu nuk ka kurrfarë dallimi.
Kjo nuk është asgjë e re, sepse Google e ka këtë qasje qe shumë vite, mirëpo shumë pak njerëz dinë për këtë. Prandaj, zakonisht mundohemi që të jemi sa më të saktë në shkrimin e adresës elektronike.
Adresat elektronike ku kjo funksionon janë: Gmail dhe Facebook Mail, ndërsa nuk funksionon në: Outlook, Apple iCloud apo Yahoo. /Telegrafi/