Burime të sigurta nga një spital në Afganistan, kanë bërë të ditur se nga shpërthimi që ndodhi jashtë një xhamie që po shfrytëzohej si vendvotim për zgjedhjet presidenciale, 15 persona kane mbetur të lënduar.
Disa të angazhuar për procesin e votimit dhe një polic, janë në mesin e banorëve të lënduar, derisa tre prej tyre janë në gjendje kritike në një spital në Kandahar, transmeton Telegrafi.
Shumë njerëz kanë dalë në votime, megjithëse tepër të frikësuar nga sulmet talebane, por duan që me votë të rrëzojnë qeverinë e korruptuar.
Ushtria, policia dhe agjente të inteligjencës, janë shpërndarë nëpër tërë Afganistanin, për të mbrojtur 4,942 pikat e votimit. Megjithatë, 341 vendvotime nuk janë hapur, nga frika e sulmeve.
Pretendentët kryesorë për qeverinë e re, janë presidenti aktual Ashraf Ghani dhe bashkëpunëtori tij në qeverinë pesëvjeçare të unitetit Abdullah Abdullah. /Telegrafi/
