Një shpërthim ka ndodhur në qendër të qytetit perëndimor të Kolnit të Gjermanisë, ndërsa policia ka njoftuar se një “operacion i madh” është duke u zhvilluar.
Bëhet e ditur se nga shpërthimi në Hohenzollernring një ndërtesë është dëmtuar rëndë dhe një person është plagosur.
Personi i plagosur aktualisht ndodhet në spital, dhe sipas policisë ai konsiderohet i plagosur rëndë, përcjell Telegrafi.
Siç raporton gazeta gjermane Bild, shpërthimi ka ndodhur në hyrje të një restauranti.
“Hohenzollern është i mbyllur midis Rudolfplatz dhe Friesenplatz. Zona duhet të shmanget. Detaje të tjera nuk dihen ende”, ka deklaruar policia.
#PolizeiNRW #Köln #Leverkusen
Aktueller #Einsatz
📍Im Bereich #Hohenzollernring gibt es einen größeren Polizeieinsatz.
📍Der #Hohenzollernring ist zwischen Rudolfplatz und Friesenplatz gesperrt.
❌Bitte meiden Sie den Bereich. Folgen Sie uns hier und auf Facebook für Infos. pic.twitter.com/IbZ4aNpY4f— Polizei NRW K (@polizei_nrw_k) September 16, 2024
Shpërthimi ka bërë që panelet e tavanit në hyrje të ndërtesës të shemben dhe xhamat e dritareve të thyhen.
Pronari i ndërtesës tha: “Ky është terror. Dikush shpërtheu një mjet shpërthyes. Vlerësoj të ketë dëme deri në 100 mijë euro”. /Telegrafi/