Të paktën 25 njerëz u plagosën të premten në një shpërthim në një ndërtesë banimi në qytetin gjerman të Blankenburg.
Ndërkohë mediat gjermane raportojnë se përveç të lënduarve, tanimë është raportuar edhe për një të vdekur.
Sipas euronews, përcjell Telegrafi, autoritetet thanë që shpërthimi ndodhi në orën 08:55 në një ndërtesë apartamentesh në Blankenburg, Gjermani qendrore.
Siç është bërë e ditur tutje, evakuimet po ndodhin më tej, edhe pas një ore nga shpërthimi.
Bei der #Explosion wurden 25 Bewohner zum Teil schwer verletzt. Im Polizeirevier Harz in Halberstadt wurde ein Einsatzstab eingerichtet. Gegenwärtig werden der Unglücksbereich weiträumig abgesperrt und weitere Bewohner evakuiert. pic.twitter.com/uHxTUUSwUi
— Polizei Magdeburg (@Polizei_MD) December 13, 2019
Një qendër e kujdesit ditor pranë ndërtesës u evakuua gjithashtu me policinë duke siguruar që “nuk kishte të lënduar”, dhe se “të gjithë fëmijët u morën nga prindërit e tyre”.
Së paku deri më tani, shkaku i shpërthimit nuk dihet ende. /Telegrafi/
