Sipas policisë, plagosja e 45- vjeçarit Ilir Plloçi ka ndodhur brenda njërës prej galerive pas shpërthimit të minave për nxjerrjen e kromit. 45-vjecari, pasi ka përgatitur frontin duke bërë mbushjen e vrimave të minave ka filluar ndezjen e tyre në radhë, por diçka ka ecur keq në njërin prej fitilave, i cili ka sjellë një shpërthim të shpejtë.
Shpërthimi ka bërë që një pjesë shkëmbi të shkëputet, duke goditur në pjesën e brinjëve 45-vjeçarin Ilir Plloçi. Minatori i plagosur është transportuar në gjendje të rëndë në Spitalin Ushtarak./Telegrafi/