Të paktën 23 persona janë lënduar, ku nëntë prej tyre janë në gjendje kritike, pasi është shembur pjesërisht kulmi i një ndërtese pas shpërthimit në qendër të Baltimore, shkruan CNN.
Incidenti ka ndodhur në ndërtesën e kompanisë Baltimore Gas and Electric (BGE), e siç është bërë e ditur në Twitter, ekipet e zjarrfikësve kanë konfirmuar se 21 persona janë dërguar në spital, derisa dy tjerë janë trajtuar në vendin e ngjarjes, transmeton Telegrafi.
Besohet se ky incident ka lidhje me mënyrën e ndërtimit e jo me gazin, e shpërthimi ndodhi derisa ekipet po punonin në sistemin e klimatizimit.
Ndërtesa ishte kryesisht e zbrazët për shkak të festave të fundvitit dhe pandemisë së coronavirusit. Në anën tjetër autoritetet kompetente nuk kanë dalë me një qëndrim zyrtar lidhur me shkakun që ka mundur të qojë te ky shpërthim. /Telegrafi/
