Dyshohet se shumë njerëz kanë vdekur pas një shpërthimi të madh pranë një qyteti minerar në perëndim të Ganës.
Policia thotë se një automjet që mbante eksplozivë minierash u përplas me një motoçikletë pranë qytetit të Bogoso.
Imazhet e shpërndara nga mediat lokale treguan një shtëllungë të madhe tymi të zi që ngrihej mbi ndërtesat e shkatërruara dhe mbeturinat e shpërndara ndërsa banorët bëjnë thirrje për ndihmë.
Viewer discretion advised: Explosion in the Western Region town of Bogoso as an explosive-filled truck travelling from Tarkwa to Chirano crashes with a motorcycle. #JoyNews #Bogoso pic.twitter.com/g8nDu9j9Op
— JoyNews (@JoyNewsOnTV) January 20, 2022
Policia nuk ka konfirmuar numrin e viktimave, por videot grafike tregojnë trupat e gjymtuar të viktimave.
Një krater i madh mund të shihet gjithashtu pranë një rruge, raporton bbc.
Në një njoftim urgjent, policia tha se “shpërthimi i madh” kishte ndodhur midis Bogoso dhe fshatit Bawdie.
Përpjekjet e shpëtimit janë duke u zhvilluar dhe njerëzve u është thënë të largohen nga zona. /Telegrafi/
W/R: Scores feared dead in gas explosion at Bogoso#3NewsGH pic.twitter.com/Dcu04gI247
— #TV3GH (@tv3_ghana) January 20, 2022