Nga shpërthimi i vullkanit në ishullin italian Stromboli ka humbur jetën të paktën një person, kurse disa tjerë janë lënduar.
Shpërthimi ka qenë aq i fuqishëm sa që është dëgjuar nga një distancë prej 30 kilometra, kurse dëshmitarët okularë tregojnë se si pas shpërthimit të fuqishëm është dëgjuar një dridhje nga e cila më pas e gjithë zona u mbulua nga hiri sa që nuk dukej as qielli, transmeton Telegrafi.
“Mbi ishullin Stromboli është krijuar një re në formë të kërpudhës, ku më pas është parë llava duke u derdhur nga kodra në drejtim të fshatit Ginostri, e gurët kanë fluturuar në të gjitha anët”, ka deklaruar Fiona Karter, turiste nga Britania e Madhe, e cila në momentin e shpërthimit të vullkanit gjendej në ishullin Panarei rreth 30 kilometra larg ishullit Stromboli.
Siç raportojnë mediat italiane, pas shpërthimit u krijua një gjendje kaotike ku turistë të shumtë ia mësyn detit duke shpresuar se do t’i shpëtojnë më të keqes.
Dyshohet se personi që ka humbur jetën është një 35-vjeçar nga Sicilia, i cili në momentin e shpërthimit të vullkanit ka qenë duke ecur me një mik. Besohet se shpërthimi ka bërë që copa të mëdha të gurëve të fluturojnë, dhe një prej tyre e ka goditur viktimën që ishte fatale për të.
Kujtojmë që vullkani në Stromboli është një nga vullkanet më aktive në botë, e shpërthimet e tij përcillen nga viti 1932. /Telegrafi/
Huge volcanic eruption rocks the small Italian island of Stromboli, 1 dead
READ MORE: https://t.co/GGkOeS3lU1 pic.twitter.com/fhnnhx3QPs
— RT (@RT_com) July 4, 2019