Liridon Krasniqi nuk ka të ndalur me skuadrën e tij Kedah.
Mesfushori i Përfaqësueses së Kosovës ka treguar edhe njëherë se është në formë të jashtëzakonshme.
Skuadra e kosovarit, Kedah ishte në udhëtim tek Sarawak FA dhe arriti të fitonte me rezultat të thellë 3:0.
Krasniqi ishte asistues i golit të parë të shënuar nga skuadra e tij në minutën e 50-të nëpërmjet Augustos.
Ndërkohë 24 vjeçari arriti të shënonte golin e dytë në takim në minutën e 70-të të ndeshjes.
Deri më tani Krasniqi ka shënuar tetë gola në kampionat dhe kupë, ndërsa ai ka shtuar edhe shtatë asistime për Kedah.
Forma e mirë e Liridonit është lajm i mirë edhe për Përfaqësuesen e Kosovës para ndeshjes me Finlandën. /Telegrafi/
