Një gyp i ujit, ka shpërthyer sot në sheshin Nënë Tereza në Prishtinë.
Kjo ka bërë që një pjesë e sheshit të mbulohet me ujë.
Përveç gypit të ujit, në një pjesë të sheshit është hapur një gropë e cila rrezikon qytetarët pasi frekuentimi në atë pjesë është i madh.
Telegrafi ka siguruar fotografi nga sheshi, ku shihen pllakat e hequra.
Ekipet e Ujësjellësit Rajonal të Prishtinës, tani më kanë dalë në vendin ku po rrjedh gypi dhe, janë duke sanuar problemin.
Ndërkaq, për shkak të rrjedhjes së ujit një pjesë e banorëve përreth kanë mbetur pa ujë të pijshëm.
