Një gyp i ujit ka pëlcitur sot rreth orës 12:30, duke vërshuar kështu në rrugët ‘Tirana’ në lagjen “Te Qafa”, në Prishtinë.
Kompania Rajonale e Ujësjellësit “Prishtina” sh.a (KRUP) ka njoftuar konsumatorët e saj se në rrugën “Tirana”, në Prishtinë se tash për tash, iu është ndërprerë furnizimi me ujë të pijshëm.
Këtë informatë kjo kompani e ka bërë të ditur përmes rrjetit social në Facebook, ku po ashtu kanë shkruar se ekipet e mirëmbajtjes së rrjetit të ujësjellësit janë në vendin e ngjarjes dhe po punojnë në sanimin e defektit.
“Një gyp i ujit me diametër fi 200 mm, gjatë ditës së sotme në orën 12.30, ka bërë që rruga në fjalë të ketë ndërprerje uji. Ekipet e mirëmbajtjes së rrjetit të ujësjellësit janë në vendin e ngjarjes dhe po punojnë në sanimin e defektit. Ndërprerjet e tilla për shkak të punimeve teknike, janë punime dhe ndërprerje uji të paplanifikuara. Falënderojmë konsumatorët e rrugës ,, Tirana,, në Prishtinë për mirëkuptim”, thuhet në njoftimin e tyre në Facebook. /Telegrafi/
