Ish-deputeti i Kuvendit të Kosovës, Shpejtim Bulliqi ka dhënë dorëheqja nga të gjitha strukturat e Lidhjes Demokratike të Kosovës.
Bulliqi tha për Telegrafin se arsyeja e dorëheqjes ka të bëjë me zhvillimet e fundit në Kuvendin Zgjedhor të partisë.
“Nga sot nuk do të jem pjesë e Lidhjes Demokratike të Kosovës, arsyeja është zhvillimet e fundit në Kuvendin Zgjedhor të partisë, kulmi ishte rizgjedhja e personave të cilët e kanë kapur LDK-në për interesa personale”, është shprehur Bulliqi për Telegrafin. Deri në zgjedhjet e fundit, Bulliqi ishte anëtar i KP, ndërsa në zgjedhjet e fundit ishte delegat në Kuvendin e Degës por nuk u zgjodh anëtar kryesie në degë e as delegat në Kuvend Zgjedhor të LDK-s.
Deri në zgjedhjet e fundit, Bulliqi ishte anëtar i Këshillit të Përgjithshëm, ndërsa në zgjedhjet e fundit ishte delegat në Kuvendin e Degës por nuk u zgjodh anëtar kryesie në degë e as delegat në Kuvend Zgjedhor të LDK-së.
Theksojmë se Isa Mustafa është rizgjedhur sot për here të tretë në krye të LDK-së.
Ai ka marrë shumicën e votave nga 355 delegatë të zgjedhur në kuvendet e degëve.
Procesi i Kuvendit Zgjedhor u mbajt me dyer të mbyllura për publikun.
Ndërkohë, kryetari i rizgjedhur ka pohuar se procesi ka qenë demokratik dhe se nuk ka pasur asnjë shkelje.
“Në LDK demokracia është më e rëndë se sa në partitë tjera. Ne harmonizojmë shumë kërkesa, dëgjojmë shumë vërejtje dhe sugjerime dhe zhvillojmë procese demokratike. Unë mendoj që që qëllimi i këtij procesi ka qenë ta forcojmë LDK-në dhe të përfshijmë sa më shumë persona të ri dhe të hapim perspektivë për të ardhmen në mënyrë që LDK të jetë e para”, ka thënë Mustafa në një konferencë për media. /Telegrafi/