Ka përfunduar gara “Kosova Enduro Championship” e organizuar nga Federata e Motoçiklizmit të Kosovës dhe klubi Motocross Team Peja “MTP”.
E diela në Pejë ishte e rezervuar e gjitha për dashamirët e motoçikletave pasi organizua gara e njohur si Enduro.
Enduro është një formë e sportit me motor-kros që bëjnë gara në terrene të ndryshme jashtë rrugës. Kjo lloj e garës përbëhet nga shumë pengesa dhe sfida të ndryshme.
Nga 50 garues që morën pjesë nga vende të ndryshme si nga Kosova ashtu edhe jashtë vendit, tetë motoçiklistë kanë arritur të shpallen fitues në kategori të ndryshme.
Luan Shala nga Theranda e zuri vendin e parë nga kategoria E3-HOBY, ndërsa Ideal Sylaj (Theranda) dhe Aldin Redjepagiq (Plavë-Mali i Zi), zunë vendin e dytë, repetivisht të tretitn.
Në kategorinë E1-125-250CC, Agron Kelmendi po ashtu nga Theranda e zuri vendin e parë, derisa Meriton Rexhaj (Therandë) e zuri vendin e dytë dhe Egzon Syka (Peja) në të tretin.
Në kategorinë e fundit E2-25-=2450 CC, i pari doli Blerim Aliu nga Gjilani, gjersa Albion Syla (Therandë) dhe Valon Zeqiri (Therandë), u renditën në vendin e dytë, respektivisht në të tretin. /Telegrafi/
