Drenica nuk ia doli të fitonte në shtëpi ndaj Ferizajt në kuadër të javës së pestë në Albi Mall Superliga.
Pas ndeshjes, trajneri Bekim Shotani ka thënë se ata u futën në këtë takim për fitore, por që nuk ia dolën ta thyenin mbrojtjen mysafire.
“Mendoj se në ndeshjet si vendës, vetëm fitorja të kënaq. Barazimin nuk e kërkuam”, ka thënë fillimisht Shotani për ArtSport.
“E kërkuam fitoren nga fillimi. Kundërshtari luajti lojë zonale, lojë të mbrojtjes. Kërkuam golin nëpërmjet krahëve, me topa në thellësi”.
“Më pas u desh të krijonim aksione me mbrojtës të krahut, por nuk ia arritëm qëllimit. Në pjesën e dytë avancuam edhe me një lojtar më shumë në zonën e kundërshtarit dhe dërguam më lartë një mesfushor, por përsëri nuk ia arritëm të shënonim”.
“Rezultati ishte baras, por në aspektet statistikore dominuam”, ka shtuar më tej trajneri i Drenicës. /Telegrafi/