Shoqata Maqedonase “Ilinden” me seli në Tiranë dhe degë për Gollo Bërdo, përmes një deklarate, ashpër kundërshton marrëveshjen me Greqinë për ndryshimin e emrit të Republikës së Maqedonisë dhe identitetit të popullit maqedonas.
— Secili ndryshim i emrit të Maqedonisë dhe identitetit të popullit maqedonas do të rrezikoj identitetin e maqedonasve në mbarë botën, në vendet fqinje të Republikës së Maqedonisë dhe në Republikën e Shqipërisë. Për fat të keq, bisedimet qartë treguan se Greqia kërkon ndryshimin e identitetit maqedonas. Qeveria në Greqi dhe në Bullgari thanë se Maqedonia mund të hyj në Bashkimin Evropian, por jo edhe “maqedonizmi”, thuhet ne reagimin e deklaratës.
Për këtë shkak, thuhet me tej, duke shprehur vullnet e maqedonasve që jetojnë në Shqipëri, shoqëria refuzon çdo marrëveshje për emrin e Maqedonisë, si dhe për shtetin amë të popullit maqedonas, nga shkaku se emri i shtetit të Maqedonisë është identiteti i popullit, kurse emri i kombësisë automatikisht vjen nga emri i shtetit.
— Maqedonasit në shtetet fqinje të Republikës së Maqedonisë, mbrojnë të drejtat e tyre për ekzistencë dhe apelojnë deri tek faktorë ndërkombëtarë që t’i mbroj të drejtat e tyre themelore, në pajtim me Konventat e ratifikuara universale për të drejtat e njeriut, thuhet ne deklaratën.
Kërkojmë, theksohet në deklaratë, në emër të gjithë maqedonasve që jetojnë në Shqipëri, kurse numërohemi 120, të mos nënshkruhet marrëveshja me Greqinë për ndryshimin e emrit të shtetit, identitetit dhe popullit.
— Emri ynë Është Republika e Maqedonisë, maqedonas ndër shekuj dhe kërkojmë që kjo të respektohet, thuhet nga Shoqëria Maqedone “Ilinden”./Telegrafi/