Dy burra gjetën vdekjen në një aksident të tmerrshëm kur një shofer të një kamioni e kishte zënë gjumi mbi timon dhe u përplas me disa vetura në një autostradë Nevada.
Sipas mediave të huaja, përcjell Telegrafi, kanë qenë autoritetet e Nevadas ato që kanë publikuar pamjet e përplasjes së 18 korrikut, që rezultoi me vdekjen e Christopher Markley, 34 vjeç dhe shokut të tij Robert Jay Barnes, 50 vjeç.
Autoritetet thanë që të dy burrat u nxorën nga makina dhe u shpallën të vdekur në vendngjarje.
Sipas Nevada Highway Patrol, shoferët u ndaluan në një zonë ndërtimi kur kamioni erdhi nëpër zonë dhe goditi disa automjete para se të ndalet.
Shoferi i kamionit, identiteti i të cilit nuk u publikua, pranoi se ai kishte qenë ‘i përgjumur’ dhe mund të ketë rënë në gjumë në timon, përpara përplasjes. /Telegrafi/
