Në internet janë duke qarkulluar disa fotografi, që tregojnë se si shoferi i një triçikli është përplasur me veturën super luksoze dhe të shtrenjtë Rolls-Royce.
Çmimi fillestar i kësaj veture luksoze në Kinë kushton rreth 4.2 yuan, dhe është e qartë që riparimi i saj kushton shumë shtrenjtë, transmeton Telegrafi.
Sipas ligjit aktual në Kinë, personi me veturë apo mjet tjetër motorik që godet personin tjetër me veturë në pjesën e pasme, me automatizëm është fajtor për aksidentin e shkaktuar.
Por, ajo çfarë i ka bërë më së shumti përshtypje dhe i ka bërë të qajë shumë persona, ishte reagimi i shoferit të triçiklit i cili mbante kokën me duart dhe vajtonte.
Në shumë raste këto triçikla në Azi nuk janë të siguruara, dhe për këtë arsye pronarit të tyre u duhet të paguajnë nga xhepi i tyre dëmet që i shkaktojnë në komunikacion.
Dhe duke marrë parasysh vlerën e Rolls-Royce dhe dëmit të shkaktuar, shoferi i triçiklit duhet të punojë shumë që të paguaj për dëmin. /Telegrafi/