Një shofer u ndalë nga policia në Northampton pasi mbërtheu një divan të madh prej lëkure, mbi makinë, i lidhur me një shirit plastik.
Sipas medieve të huaja, përcjell Telegrafi, oficerët e habitur kapën imazhet e divanit të zi prej lëkure në maj të makinës Nissan Qashai, të cilin e ndaluan të mërkurën.
Divani ishte mbërthyer te automjeti me një shirit të hollë, mbështjellës plastik, që lidhej përmes xhamave përpara.
Shoferit iu dha një njoftim ndalimi dhe u raportua për ngasje të rrezikshme.
“Një tjetër ndalesë interesante. Ngarkesa nuk është shumë e sigurt”, mbishkrimi i autoriteteve kur postoi imazhin në Twitter në fillim të kësaj jave. /Telegrafi/
