Nga frika se një grua do të hidhej prej një ure në afërsi të Dublinit në Irlandë, një shofer e ka ndaluar kamionin, menjëherë nën këmbët e saj.
Derisa gruaja e paidentifikuar kishte kaluar rrethojat dhe mund të hidhej në çdo moment në autostradë për të bërë vetëvrasje, një shofer ka vendosur ta ndalojë këtë situatë, transmeton Telegrafi.
“Të gjithë po shikonin, me frikën se ajo do të hidhej, kur kamioni i transportit ndaloi nën urë, që do ia bënte hedhjen e kotë. Nuk është kjo kohë e vitit për të humbur jetën, flisni me dikë, këdo”, ka shkruar përbri fotografisë së shpërndarë Keith Dunne.
Kur kamioni ka ndaluar, afër gruas kanë shkuar disa të pranishëm, që e kanë bindur që të largohej prej aty, gjë që është kryer pa ndonjë kundërshtim.
Mbetet e panjohur gruaja që qëndronte jashtë mburojave të urës, apo motive që e shtynë të tentonte t’i jepte fund jetës. /Telegrafi/