Përpara festës së Kurban Bajramit, ministri i Shëndetësisë i Turqisë, Fahretting Koca tha se qytetarët që duan të shkojnë drejt vendlindjeve të tyre duhet të shmangin trafikun e ngarkuar dhe të nisen herët.
Sipas medieve turke, përcjell Telegrafi, lutja e Bajramit duhet të kryhet në hapësira të hapura, ndërsa mendon për distancimin shoqëror, tha ai në një deklaratë të mërkurën në mbrëmje pas një takimi të Bordit të Shkencës për Coronavirus të Ministrisë së Shëndetësisë.
“Festa nuk duhet të bëhet me turma, festat nuk duhet të organizohen”, tha ai, duke shtuar se vizitat duhet të jenë të kufizuara ndërsa festimi duhet të bëhet kryesisht përmes telefonit.
Sidomos të moshuarit mbi moshën 65 vjeç dhe njerëzit të cilët sëmundje kronike duhet të festojnë festën Islame përmes telefonit, shkruan DailySabah.
“Në asnjë mënyrë nuk duhet të ketë ndonjë lloj shtrëngimi dhe përqafimi të duarve”, ka thënë Koca, duke theksuar se larja e duarve mbetet e rëndësishme.
Po sipas mediumit në fjalë, më parë Turqia konfirmoi 902 raste të reja me COVID-19 dhe 19 vdekje në 24 orët e fundit.
Numri i përgjithshëm i vdekjeve ka arritur në 5,545, ndërsa numri i të shëruarve ka arritur në 205,214, sipas të dhënave të ndara nga Koca në Twitter.
Që kur virusi u shfaq në Kinë dhjetorin e kaluar, gati 15 milionë raste të COVID-19 janë raportuar në të gjithë botën, me të shëruarit që kapin shifrën 8.9 milionë, sipas shifrave të përpiluara nga Universiteti Johns Hopkins. Numri global i vdekjeve aktualisht është mbi 615,000. /Telegrafi/