Skuadra e FC Shkupit është rikthyer sot në stërvitje për herë të parë pas tragjedisë së ndodhur në Koçan, ku humbi jetën futbollisti i tyre, Andrej Llazarov, njofton Telegrafi.
Me dhimbje të madhe dhe mes lotësh, lojtarët, stafi teknik dhe drejtuesit e klubit u mblodhën në dhomat e zhveshjes në stadiumin e Çairit për t’i dhënë lamtumirën e fundit shokut të tyre të skuadrës.
Në vendin ku ulej dhe ku ishte dollapi i tij në dhomat e zhveshjes, qëndronte fanella me numrin 77, simboli që do ta mbajë të gjallë kujtimin e tij në Çair.
Andrej Llazarovi do të mbetet përgjithmonë në zemrat e tifozëve dhe komunitetit si një djalë që humbi jetën duke shpëtuar jetët e të tjerëve. /Telegrafi/