UEFA dhe Federata e Futbollit të Maqedonisë (FFM) përmes një kumtese të përbashkët kujtojnë dashamirët e futbollit të cilët kanë siguruar bileta për ndeshjen e Super Kupës mes Real Madridit dhe Manchester Unitedit që do të luhet në “Telekom Arena” në Shkup, se në tribuna do të lejohet shfaqja e flamujve vetëm të klubeve pjesëmarrëse dhe flamujve kombëtarë të tyre, gjegjësisht Spanjës dhe Anglisë.
Flamujt nuk guxojnë të jenë më të mëdhenjë se një metër dhe 250 centimetra, në gjerësinë dhe gjatësinë e tij. Në të kundërtën ata do të konfiskohen, përcjell Telegrafi Maqedoni.
Gjithashtu do të merren edhe flamujt të cilët përcjellin mesazhe me përmbajtje kërcënuese për sigurinë publike, paraqesin qëndrim të dikujt, ose kanë mesazhe diskriminuese dhe ofenduese.
Do të merren edhe flamujt të cilat pengojnë shikuesit tjerë dhe kamerat të cilat do ta transmetojnë ndeshjen./Telegrafi/