Një makinë e policisë në semaforin para infoqendrës së BE-së në Shkup, ka aksidentuar një biçiklistë, njoftoi iniciativa “Na Toçak”. Në postimin në Facebook, kjo iniciativë ka vendosur edhe fotografi të aksidentit, i cili ka ndodhur në qendër të Shkupit.
Dëshmitari i aksidentit tregon se përderisa policia ka vendosur të kthejë në të djathtë, duke anashkaluar shenjën e trekëndëshit dhe ka goditur biçiklistin, i cili ka qenë në vendkalim për këmbësor në dritën e gjelbërt, përcjell Telegrafi Maqedoni.
Fatmirësisht biçiklisti nuk ka marrë lëndime të rënda dhe është në gjendje të mirë.
Njëkohësisht kjo iniciativë apelon tek Ministria e Punëve të Brendshme të merr masa në lidhje me zgjidhjen e këtij problemi sistematik./Telegrafi/
