Një foshnje 11-muajshe, dje ka ndërruar jetë për shkak të komplikimeve pas epidemisë së fruthit.
Siç njoftoi mjeku Vlladimir Mikiq nga Instituti për Shëndet Publik, gjatë ditës së djeshme foshnja për dy javë ka qenë në mjekim intensiv në Klinikën për Sëmundjen e Fëmijëve, përcjell Telegrafi Maqedoni.
“Ka pasur pneumoni të rëndë, gjakderdhje në tru. Fruthi është sëmundje serioze dhe paraqet sëmundje të disa-sistemike dhe mund të sulmojë gjitha organet e sistemit për frymëmarrje dhe sistemit nervor qendror”, tha Mikiq.
Ai shtoi se gjatë javës së kaluar janë paraqitur 113 raste të dyshimta, prej të cilëve tek 110 është përhapur fruthi. Prej tyre 46 janë në Shkup, ndërsa 64 në qytete tjera.
Ndryshe, kjo është viktima e katërt që ndërron jetë si pasojë e fruthit, që nga shpallja e epidemisë./Telegrafi/