Katër hajna që po tentonin të kryenin vjedhje brenda një dyqani të pajisjeve të teknologjisë informative në Stamboll të Turqisë, u alarmuan kur u aktivizua alarmi.
Një person nga ndërtesa i kishte parë hajnat dhe menjëherë kishte filluar t’i gjuajë me gurë, veprim ky që i befasoi ata dhe kështu vendosën të largohen duarthatë, transmeton Telegrafi.
Ngjarja ka ndodhur na Kagithane të Stambollit, ku katër hajna me doreza në duar, kapele dhe maska i ishin afruar lokalit me një veturë, dhe kishin filluar të futen brenda dyqanit.
Derisa kryenin vjedhjen, alarmi u aktivizua dhe zgjoi banorët që jetonin në katin sipër. Një prej tyre menjëherë doli në tarracë dhe kur i vërejti filloi t’i gjuaj me gurë.
Të befasuar me veprimin e fqinjëve, ata u futën në veturë dhe u larguan me shpejtësi. Kamerat e sigurisë kanë kapur këtë moment, kurse pamjet janë bërë virale. /Telegrafi/
