Mbetjet e një njeriu të gjetura në një akullnajë afër Matterhornit të famshëm të Zvicrës janë konfirmuar se i përkasin trupit të një alpinisti gjerman i zhdukur që nga viti 1986.
Një numër fshehtësish të mbajtura prej kohësh po zbulohen nga akullnajat alpine që tani po tkurren me shpejtësi për shkak të ndryshimeve klimatike, transmeton Telegrafi.
Trupi u zbulua në fillim të këtij muaji nga alpinistët që po kalonin tek akullnaja Theodul mbi atë Zermatt.
Ata vunë re një çizme dhe gjësende të tjera brenda akullit.
Pas bërjes së analizave të ADN-së, u konstatua se mbetjet i përkisnin një alpinisti gjerman, i cili u zhduk 37 vjet më parë.
Një operacion i madh kërkim-shpëtimi në atë kohë nuk arriti të gjente asnjë gjurmë të tij.
Policia asokohe nuk e kishte përmendur emrin e alpinistit, por tha se ai ishte 38 vjeç kur u zhduk gjatë një ecjeje. /Telegrafi/