Zëvendëskryeministrja e Punës dhe Politikës Sociale tha se qëllimi kryesor i MPPs-së është ulja e varfërisë ndërsa si Qeveri ajo krenohet me sukseset në sferën uljes së varfërisë përmes pagave dhe pensioneve më të larta që në mënyrë të drejtpërdrejtë ndikon ekonomi dhe te gratë në shtet.
Ajo në tubimin e LSDM-së bëri një paralele mes pagave në vitin 2016 dhe sot si një nga faktorët për diskriminimin që ndikojnë në barazinë gjinore, njofton Telegrafi Maqedoni.
“Në vitin 2016 ndjehej ndikimi i diskriminimit në shoqërinë tonë. Për shembull, në industrinë e tekstilit dhe lëkurës punëtorët, një pjesë më të madhe ishin të diskriminuara. Në vitin 2016 kanë marrë pagë prej 7000 denarë ndërsa sot kanë 14.500 denarë. Dallimi është i madh. Masa për subvencionimin e kontributeve të kompanive do t’i rrisë pagat e punëtorëve të tyre deri në 6.000 denarë”, tha Shkrijelj.
Ajo thotë se përmes reformës sociale u arrit të ndikohet në pozitën e grave në shtet dhe se po punohet në sferën e sigurisë së grave.
“U ratifikua Konventa e Stambollit kundër dhunës ndaj grave. Gjithashtu, në Buxhetin e vitit 2020 u parapanë mjete shtresë për 10 servise ku mund të denoncohet dhuna ndaj grave me qëllim që të luftohet ky fenomen negativ”, shtoi Shkrijelj./Telegrafi/