Numri i njerëzve të listuar si të zhdukur pas shembjes së një ndërtese 12-katëshe në Miami, është rritur në 159, thonë zyrtarët.
Sipas BBC, përcjell Telegrafi, raportohet se katër persona kanë humbur jetën si rrjedhojë e këtij incidenti.
Kryetarja e Miami-Dade, Daniella Levine Cava, thotë se ata “ende kanë shpresë”, për të gjetur të mbijetuar.
Ekipet e kërkimit të cilët janë duke punuar gjatë gjithë kohës kanë raportuar se kanë dëgjuar njerëz duke bërë zhurmë nën rrënoja.
#MDFR #TRT & #FLTF1 are working in the basement parking garage at Champlain Towers. Firefighters continue working on locating possible victims, while dealing with heavy damage and changing conditions in the parking garage. #SurfsideBuildingCollapse pic.twitter.com/qseknk0T8q
— Miami-Dade Fire Rescue (@MiamiDadeFire) June 24, 2021
Mbetet ende e paqartë se çfarë e bëri ndërtesën 40-vjeçare të shembet të enjten.
Të paktën 102 persona janë lokalizuar, por nuk dihet qartë se sa persona ishin ndërtesë kur ajo u shemb. Disa njerëz janë evakuuar nga ajo që ka mbetur nga struktura.
