Jetlum Murçaj u prangos pasi vodhi një automjet dhe, gjatë kontrollit në mjetin e tij, policia gjeti dhe sekuestroi, në cilësinë e provës materiale, një armë zjarri automatik, të cilën 20 vjeçari e mbante pa leje.
Policia sekuestroi tre makina të vjedhura, në cilësinë e provës materiale, dhe po punon për dokumetimin e plotë ligjor të këtyre ngjarjeve si dhe për identifikimin dhe kapjen e pjestarëve të tjerë të këtij grupi kriminal.
Prokuroria e Rrethit Gjyqësor Shkodër po shqyrton dosjen në ngarkim të 20 vjeçarit, mbi të cilin rëndojnë edhe akuzat, për veprat penale të “Armëmbajtjes pa leje”, “Vjedhje të kryer në bashkëpunim” dhe “Prishje të rendit dhe qetësisë publike”./Telegrafi/