Pastruesit e xhamave shpëtuan të pa lënduar, pasi u shkëput mbajtësja e platformës dhe ata u luhatën për një kohë, jashtë katit të 24-të të një ndërtese në Kolorado të Shteteve të Bashkuara.
Megjithëse ishin në lartësi, ata arritën të kapeshin për dritaren e një banese dhe pasi e thyen xhamin, hynë brenda të sigurt, transmeton Telegrafi.
Banorët e ndërtesave përreth shikonin të tmerruar, kur platforma e rëndë u shkëput, duke rrezikuar të binte poshtë në rrugë, ku ndodheshin shumë njerëz.
Ngjarja që ndodhi gjatë mëngjesit, i shqetësoi shumë banorët, të cilët fillimisht dëgjuan krismat e përplasjes, para se të shohin se çfarë po ndodhte në të vërtetë. /Telegrafi/
