“Ky është fillimi i një epoke në trajtimin e kancerit të kockave,” është shprehur profesori Graham Jackson.
Ai vuri në dukje se përdorimi i kësaj droge pacientëve u lehtësohen dhimbjet dhe ata jetojnë shumë më gjatë.
Doktori shtoi se kjo edhe ulë nevojën për kimioterapi dhe cilësia e jetës përmirësohet.
Një artikull në lidhje me këtë zbulim shkencor është botuar në revistën shkencore New England Journal, transmeton Klan Kosova.
“Mieloma e shumëfishtë” është një kancer i qelizave të plazmës, në të cilën kolona e qelizave të plazmës jonormale shtohet, duke krijuar tumore në palcën kockore dhe më pas prodhohet një sasi e madhe e antitrupave jonormale, që grumbullohen në gjak ose urinë.
Në SHBA, mieloma e shumëfishtë përbën rreth një për qind të të gjithë kacereve, dhe çdo vit 12.500 raste të reja diagnostifikohen.
Tumoret e qelizave të plazmës (plasmacytomas) janë më të zakonshme në shpinë, brinjë dhe kafkë.
Ndonjëherë ata zhvillohen edhe në zonat tjera, veçanërisht në mushkëri dhe organet riprodhuese.