Shkencëtarët në Greffex, një kompani e inxhinierisë gjenetike me seli në Houston, Teksas, pretendojnë se kanë krijuar një vaksinë kundër coronavirusit.
Kompania i tha gazetës Houston Business se kishte përfunduar zhvillimin e vaksinës dhe është e gatshme për testimin në kafshë dhe rishikimin nga rregullatorët amerikanë.
Shkencëtarë të panumërt në të gjithë botën po garojnë për të bërë të njëjtën gjë, megjithëse ata po marrin shumë mënyra të ndryshme, transmeton Telegrafi.
Sidoqoftë, zhvillimi i një vaksine është vetëm hapi i parë drejt shpërndarjes së saj.
Shumica e vlerësimeve sugjerojnë që nga testimi dhe prodhimi mund të zgjasin midis 18 muajve dhe dy vjet, megjithëse Greffex nuk e ka njoftuar afatin kohor.
Greffex tha që, për hir të sigurisë, shkencëtarët e saj nuk përdorën asnjë formë të vetë coronavirusit – qoftë të gjallë ose joaktiv – për të bërë vaksinën e saj.
Shkencëtarët në kompaninë e inxhinierisë gjenetike kanë ndërtuar vaksinën e tyre në një adenovirus.
Adenoviruset janë ndër shkaqet më të zakonshme të infeksioneve virale të frymëmarrjes, që përbëjnë midis dy dhe pesë për qind të ftohjes. Ato gjithashtu përdoren gjerësisht në prodhimin e vaksinave. /Telegrafi/