Lidhja e Eros Grezdës me Oriola Marashin kishte bërë bujë në faqet rozë, mirëpo në muajt e fundit është raportuar se ata nuk janë më bashkë.
As futbollisti e as bukuroshja shqiptare nuk e kanë komentuar raportin mes tyre, mirëpo ata e kanë larguar njëri-tjetrin nga rrjetet sociale.
Derisa është spekuluar se largësia ka ndikuar në prishjen e romancës së dyshes, reagimet e Grezdës në Instagram kanë përhapur thashetheme të reja.
26-vjeçari i ka komentuar modeles Nicole Bohorquez në publikimet e fotografive të saja duke nxitur spekulime se mund të ketë diçka mes tyre.
Në njërën prej fotografive të saja, futbollisti i klubit hungarez, Zalaegerszegi, e ka shkruar simbolet e zjarrit dhe zemrës. Ndërsa në një postim tjetër i ka komentuar në spanjisht “sa e bukur”.
Ndërkaq, bukuroshja ia ka kthyer komentin në të dyja rastet, në njërin prej të cilëve ka shkruar ‘Bebe’ që i referohet një personi të afërt. /Telegrafi/
