Shkëlqimi i Mirlind Dakut në këtë fillim kampionati – 8 gola në 4 ndeshje

Sulmuesi gjilanas i Ballkanit, Mirlind Daku, po përjeton një fillim sezon të jashtëzakonshëm, ku në çdo ndeshje, po del të jetë vendimtar.

Pas gjashtë muajsh të kaluar me formën e tij që ishte në ngritje – rënie, ai këtë vit është stabilizuar.

Futbollisti kartonin e të cilit e zotëron klubi kroat Osjek, ka shpërthyer ne gola këtë sezon, ku ka gjetur tetë herë rrjetën në vetëm katër ndeshje.

Daku e nisi mirë kampionatin, kur në ndeshjen hapëse në Pejë ndaj Besës realizoi het-trik, në fitoren e skuadrës së tij me rezultat 4-1.

Edhe ndeshja e dytë ndaj Feronikelit kishte ritmin e njëjtë për sulmuesin i cili shënoi het-trik në fitoren 3-2.

Ndeshja e vetme ku Daku nuk ka shënuar është ajo ndaj Gjilanin e cila u mbyll pa gola 0-0.

 Në xhiron e katërt Ballkani mori fitoren e tretë këtë edicion, duke e mposhtur Llapin me rezultat 3-1.

Dy gola erdhën nga Daku, duke e quar në tetë numrin e shënimeve.

Nga tetë gola, Daku dy i ka shënuar nga penallti, ndërsa tjerat nga loja.

Ka vite që një sulmues nuk e ka nisur kaq mirë edicionin në Superligën e Kosovës. /Telegrafi/