Ermir Lenjani është rikthyer në formën e tij më të mirë.
Mbrojtësi shqiptar ka shkëlqyer me fanellën e Sionit në ndeshjen e fundit ndaj kampionit në fuqi Young Boys Bern.
Sion kishte epërsinë prej dy golave pas pjesës së parë, por në fund pësuan 3-2 me një rikthim të madh të vendasve.
Ishte Ermir Lenjani që shënoi golin e parë në këtë sfidë pas një asistimi nga Bastien Toma.
Edhe tek goli i dytë që u regjistrua si autogol, Lenjani kishte merita pasi goditi fuqishëm ndërsa topi i devijuar nga mbrojtja vendase shkoi në rrjetë.
Falë paraqitjes së mrekullueshme ndaj kampionëve në fuqi, Lenjani ka zënë vend edhe në formacionin më të mirë të javës nga Blick. /Telegrafi/
Formacioni i javës:
Zibung, Maric,Knezevic, Ermir Lenjani, Barneta, Zuffi,Sanogo, Sulejmani, Carlinhos, Hoarau, Ashimeru.