Për këtë çështje ka dhënë alarmin kryetari i sindikatës së degës të ndërtimtarisë në BSPK, Avni Ajdini.
“Dje dhe sot, bregu i mejdanit të dheut ka vërshuar fabrikën e blloqeve "Ital Kosova" në Prishtinë, e cila ka qenë e komercializuar dhe ku kanë punuar mbi 120 punëtorë. Të lënduar nuk kishte, kurse dëmet materiale janë shumë të mëdha, sa që të gjithë punëtorët momentalisht kanë mbetur pa punë”, ka njoftuar sindikalisti Ajdini.
Ai ka kërkuar nga organet komunale që të marrin hapa sa më të shpejtë për sanimin e kësaj gjendje. /Telegrafi/