Punonjësi i një televizioni në Teksas të SHBA-ve është shkarkuar nga puna, pasi një audio incizim është lëshuar gjatë një transmetimi live.
Shikuesit e KRIS mbetën të shokuar me befasinë që u bë gjatë të hënës, derisa po transmetohej drejtpërdrejt inaugurimi i një ure të re, kur befasisht u dëgjuan disa të shara, transmeton Telegrafi.
Në ato momente ekrani u bë i zi dhe një burrë dëgjohej duke sharë. KRIS është një televizion lokal në Corpus Christi, ndërsa menaxhmenti i këtij televizioni ka njoftuar se zëri i burrit që dëgjohet duke sharë në transmetim live është i një punonjësi të tyre.
“Kërkojmë ndjesë për këtë, patëm një moment të pakëndshëm”, dëgjohet duke thënë prezantuesja Stephania Jimenez, duke u munduar të arsyetohet para shikuesve.
Menaxhmenti i televizionit nuk e ka zbuluar identitetin e punonjësit që shau, por një shikues ka arritur ta filmojë këtë moment dhe ta postoj në Facebook. /Telegrafi/
