Pritjet fillestare flisnin për 3 deri në 5 milionë pajisje të shitura gjatë këtij viti, një shifër të cilën Motorola me tempon e tanishme vështirë se do t’ia arrijë. Kompania madje edhe vet e ka zvogëluar prodhimin e tabletëve, për të vlerësuar edhe një herë kërkesën e tregjeve.
Në mesin e mangësive më të mëdha të XOOM theksohet çmimi i lartë, hardueri jofunksional, kualiteti i dobët i përpunimin dhe softueri i papërpunuar mirë, që ka të bëjë me sistemin operativ Android 3.0 si dhe vet aplikacionet. Sa për krahasim, Apple ka shitur 300.000 tabletë iPad 2 në ditën e parë të lansimit të këtij produkti në treg. /Telegrafi/