Gjykata Themelore në Prishtinë – Departamenti për Krime të Rënda ka vendosur lidhur me kërkesën e Prokurorisë Themelore në Prishtinë, për caktimin e masës së paraburgimit kundër të pandehurit A.F për shkak të veprës penale Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge dhe veprën penale Falsifikimi i parasë.
“Gjyqtari i procedurës paraprake kërkesën e prokurorit të shtetit për caktimin e masës së paraburgimit e ka aprovuar si të bazuar dhe të njëjtit i ka caktuar masën e paraburgimit në kohëzgjatje prej një muaj, masa e paraburgimit të pandehurit A.F i caktohet në bazë të nenit 187 paragrafi 1 nënparagrafi 1.1, e 1.2, pikat , 1.2.1 dhe 1.2.3 të KPP-së”, thuhet në njoftim.
Gjyqtari i procedurës paraprake vendosi që të caktoi masën e paraburgimit për të pandehurin A.F, si masë e cila tani për tani është e domosdoshme dhe efektive me qëllim të pamundësimit të përsëritjes së veprave penale nga ana e të pandehurit dhe zhvillimit të pa penguar të kësaj çështje penale.
Kundër këtij aktvendimi palët kanë të drejtë ankese në Gjykatën e Apelit të Kosovës. /Telegrafi/