Një kopje e librit vizatimor të vitit 1938, në të cilin Superman shfaqet për herë të parë, është shitur për shumë rekorde prej gjashtë milionë dollarësh.
Kështu ka njoftuar shtëpia e ankandeve “Heritage Auctions”, e cila ka dhënë edhe disa detaje interesante.
Shtëpia e ankandeve thekson se “Action Comics No. 1” është “libri më i rëndësishëm i publikuar ndonjëherë” dhe shton se Superman, i cili u shfaq në numrin e pranverës të vitit 1938, “mbetet jashtëzakonisht i ngjashëm” me versionin e parë në komike dhe në televizion, raporton zëriamerikës.
Përveç paraqitjes së parë të “Man of Steel”, ai solli edhe personazhin e Lois Lane, një gazetare që është e dashura e Supermanit.
Aktualisht në botë ka vetëm rreth 100 kopje të këtij komiku, i cili është shtypur 86 vite më parë nga kompania “National Allied Publications”, pararendëse e “DC Comics”, në një tirazh prej 200 mijë kopjesh.
Çmimi prej gjashtë milionë dollarësh tejkaloi rekordin e mëparshëm për shitjen e një komike, personazhi kryesor i të cilit ishte edhe Superman, i cili u shit në vitin 2022 për 5.3 milionë dollarë. /Telegrafi/