Lazio ka njoftuar se janë shitur të gjitha biletat në ‘Stadio Olimpico’ për ndeshjen që zhvillon kundër Interit.
Ndeshja vlen për një vend që dërgon në Ligën e Kampionëve, ndërsa Lazion në këtë përballje i konvenon një barazim.
Mësohet se tifozët mysafirë do të kenë 12,000 vende në stadium, ndërsa vendasit kanë konfirmuar se të gjitha biletat janë shitur.
“Stadiumi do të jetë një kënaqësi e madhe të dielën, një spektakël i madh”, ka thënë menaxheri i marketingut Marco Canigiani për Lazio Style Channel.
“Biletat janë shitur plotësisht, por tifozët që akoma nuk janë në posedim të një bilete mund të përpiqen të gjejnë një vend të lirë pas ndonjë anulimi apo vendi të lirë në orët e fundit”.
“Për këtë arsye, shitjet në internet për Lazio-Inter do të mbeten të hapura deri në fillim të ndeshjes”.
Tifozët gjithashtu këshillohen që të arrijnë pak më herët se zakonisht në stadium. /Telegrafi/