Shtëpia e ankandeve Christie’s ka nxjerr në shitje një shishe verë franceze, që në kuadër të eksperimentit Bordo për 14 muaj ishte “pjekur” në orbitën e Tokës, kurse vlerësohet se çmimi i saj mund të arrij vlerën e një milion dollarëve.
Kjo ofertë e verës Petrus 2000, është prodhim i llojit të rrushit Merlot nga vreshtat e rajonit Pomerol të Francës, që iu prezantua blerëve potencial gjatë javës së kaluar në Londër, transmeton Telegrafi.
“Shishja e Petrus 2000 paraqet një hap të rëndësishëm në përpjekjet për zhvillimin e procesit të pjekjes së verës”, thuhet në kumtesën e Tim Triptri, drejtor i njësisë ndërkombëtare për pije në Christie’s.
Paratë e verës së shitur do t’i shkojnë kompanisë hapësinore private në Evropë, Space Cargo Unlimited që lansoi 12 shishe të Petrus 2000 përmes stacionit ndërkombëtar hapësinor dhe janë pjesë e eksperimentit për mikrogravitacion. /Telegrafi/