Së fundmi janë publikuar gjashtë episode të serialit “The Last of Us” dhe derisa shumë nga shikuesit janë të kënaqur, një prej tyre vuri re një gabim që është bërë gjatë redaktimit të serialit.
Gjegjësisht, në njërën prej skenave të serialit mund të shihet ekipi xhirues.
Në këtë rast, është një skenë vizualisht efektive në të cilën Joel dhe Ellie po ecin nëpër një urë të mbuluar me borë, ndërsa një pamje e caktuar e marrë nga ajri përfshinte një kënd, ku mund të shihet një grup njerëzish, me shumë gjasa anëtarë të ekuipazhit të filmit, i përbërë nga kameramanë dhe inxhinierë të zërit.
@domineo32 The Last of Us : Season 1, Episode 6. About 15 minutes in. They might have accidentally left a few of the film crew in the shot. #thelastofus #hbomax #filmcrew #accident
Nuk kaloi shumë kohë që xhirimi i diskutueshëm u bë viral në rrjetet sociale dhe u kujtoi të gjithëve gafën e sezonit të fundit të “Game of Thrones” kur një filxhan Starbucks iu la para personazhit Daenerys Targaryen.
Natyrisht, nuk u desh të prisnim gjatë për një koment nga producentët, kështu që autori i serialit, Neil Druckmann, shumë shpejt foli dhe bëri shaka se nuk ishte aspak një pakujdesi, por njeriu në kuadër ishte një personazh i rëndësishëm për vazhdimin e serialit.
Sido që të jetë, ky lëshim i pazakontë kontribuoi vetëm në popullaritetin e serialit “The Last of Us”, bazuar në video-lojën me të njëjtin emër, ku mbretëron një pandemi malinje ‘kërpudhash zombie’ dhe pak nga të mbijetuarit zgjedhin të luftojnë për mbijetesën e tyre. /Telegrafi/
