Zgjedhjet në SHBA po afrohen dhe tensioni është i lartë si kurrë më parë në historinë moderne të shtetit amerikan.
Demokratët paralajmërojnë se zgjedhja e republikanit Donald Trump do ishte një tërmet shkatërrimtar për botën.
Kurse Donald Trump nga ana e tij thotë se zgjedhjet mund t’ia vjedhin.
Këto pamje tregojnë një milici patriotike amerikane, mbështetës të Donald Trump, teksa stërviten në prag të zgjedhjeve.
Grupi quhet “Forca e Sigurisë Tre Përqind”, duke iu referuar përqindjes së popullsisë amerikane që luftoi kundër Britanisë gjatë Revolucionit.
Grupi admiron Donald Trump dhe thonë se janë gati të vrasin nëse Hillary Clinton vjedh zgjedhjet.
Ata stërviten në shtetin Georgia, transmeton mapo.
Përllogaritet se janë 276 milicë aktivë në këtë territor.
Grupi thotë se po përgatiten për trazira të mundshme pas zgjedhjeve.
