Gold Ag është pa diskutim një ndër reperët më të pëlqyer nga publiku shqiptar, gjersa këtë gjë e dëshmon edhe numri i madh i ndjekësve të tij në rrjetet sociale.
E kemi dëgjuar shpesh herë të këndojë këngë patriotike dhe këngë dedikuar dashurisë, por më rrallë kemi pasur mundësinë ta dëgjojmë në zhanret e tjera.
Së fundmi, reperi ka publikuar në llogarinë personale në Instagram një video, ku shihet teksa këndon bashkë me disa djemë muzikë rapsodike, me instrumentin e njohur shqiptar, çiftelinë.
Nga videoja, shifet se këtë performancë Goldi e ka realizuar në një aheng familjar, ku ka qenë i ftuar gjersa nuk ka hezituar as të këndojë.
Përndryshe, projekti i tij i fundit në muzikë mbetet bashkëpunimmi me Kaltrina Selimin, kënga “Pa ty” e cila është pritur mirë nga publiku dhe ka marrë miliona klikime në YouTube. /Telegrafi/