Një situatë e pakëndshme u ka ndodhur një çifti, të cilët u detyruan t’i telefonojnë policisë në momentin kur djali i tyre u rrëzua në tokë dhe humbi vetëdijen pasi që nuk mund të merrte frymë.
Një çifti nga Teksasi biri i të cilit ra pa vetëdije në tokë gjatë javës së kaluar, do t’i jenë përgjithmonë mirënjohës një polici që arriti të ua shpëtoj djalin, dhe e gjithë kjo ngjarje është filmuar nga kamerat e sigurisë, transmeton Telegrafi.
Ngjarja e tmerrshme ndodhi pranë një restoranti në qytetin Granbury, kur oficeri Chase Miller dëgjoi në radiolidhje se një djalosh nuk po merr frymë dhe se kishte rënë në tokë pa vetëdije.
Ai menjëherë ishte nisur për në vendin e ngjarjes, derisa kamerën e sigurisë që e kishte të instaluar në veturën zyrtare, kishte filmuar ardhjen e tij. Aty e kuptoi se djaloshi Brayden Geis kishte humbur vetëdijen nga temperaturat e larta.
“Të rrahurat e tij ishin të shpejta dhe nuk mund të merrte frymë, por edhe buzët i kishin marrë ngjyrë të kaltër, kështu fillova t’i bëjë masazh në zemër dhe t’i japë frymë artificiale”, tha oficeri për televizionin Fox 4.
Në video mund të shihet se si Miller me çdo kusht tenton ta rikthej në jetë, derisa prindërit e vogëlushit John Geis dhe Bethany Hoover mbetën të shtangur nga frika se do të mbesin pa të birin.
Por pas disa sekondave, Brayden filloi të marrë frymë sërish. Dhe kështu gjatë kësaj jave vogëlushi është takuar me oficerin Miller për ta falënderuar për atë çfarë kishte bërë për të.
Miller edhe dekoruar edhe me medalje nga Këshilli i qytetit të Granbury. /Telegrafi/
