Një hajdut sigurisht se nuk e kishte vlerësuar mirë situatën, kur mendoi se mund të plaçkiste lehtë një femër, e cila për pak sekonda e përplasi me fytyrë për tokë.
Një video e postuar së fundmi në internet, shfaq momentin kur një hajdut tenton t’i vjedhë çantën një femre gjatë udhëtimit me autobus në një qytet në Kinë, transmeton Telegrafi.
Në video shihet se si hajni mundohet tinëzisht t’i vjedh gjësendet që i kishte në çantë duke menduar se ajo nuk po e sheh, dhe në momentin që e kupton se është zënë ne flagrancë, ngrit tonin duke shpresuar se do të frikësoj vajzën.
Por ndodh e kundërta, dhe ajo me aftësitë e saj luftarake me disa lëvizje e “neutralizon” hajdutin, i cili përfundon pa vetëdije në karriget e autobusit. /Telegrafi/
